| |
A Coruña, 15 de
maio de 2008
Querido amigo/a:
A ONG Labañou Solidaria celebrará a Asemblea Xeral Ordinaria o día 17 de
xuño (martes), ás 19,30 horas en primeira convocatoria e ás 20 horas en segunda
convocatoria, no noso local de Nosa Señora do Perpetuo Socorro, nº 13, baixo
(Labañou), coa seguinte orde do día:
1. Informe de actividades do 2007
2. Informe económico
3. Elección de cargos da Xunta Directiva
4. Proposta de traballo para 2008
5. Rogos e Preguntas
Este ano, e conforme aos estatutos, renovaranse os cargos de Presidente/a,
secretario/a e un vocal. Calquera socio pode presentarse, facéndoo por escrito
e comunicándoo con 15 días de antelación á data da Asemblea a calquera membro
da actual Xunta Directiva, que nestes momentos compoñémola as seguintes
persoas: Luís Astray, Presidente, Paloma Tomé, Vicepresidenta, Maite Prego,
Tesoureira, Concha Sánchez, Secretaria, e Alfonso Vázquez, Beatriz Aguado,
Carmen Pita, Concha López, Jorge Blanco e Lola Veiguela, vocais.
Aproveito a ocasión para comunicarche que este ano non contamos coa
subvención da Xunta de Galicia, polo que temos que facer fronte ós nosos
compromisos cos exiguos fondos propios cos que contamos e os que poidamos
conseguir co noso traballo.
Por último, quero animarte a participar mais activamente en Labañou
Solidaria, ponte en contacto con nós, ben a través de persoas da asociación que
coñezas ou a través de carta ó noso enderezo ou por correo electrónico labanousolidaria@hotmail.com pois xuntámonos case tódalas semanas. Tamén che pedimos a túa contribución
o crecemento da ONG conseguindo novos socios que tan necesarios son para poder
ter un maior impacto e independencia do noso proxecto en Vilcabamba.
Sen outro particular, e reiterando unha vez mais o agradecemento pola túa
colaboración, recibe un saúdo solidario.
Luis Astray Coloma
Presidente de Labañou Solidaria
|
