| |
Estimado amigo/a:
O venres, 13 de xuño, a ONG Labañou Solidaria realizará a presentación pública do Proxecto de cooperación con Vilcabamba (Perú), ás 20 horas no salón de actos do Centro Cívico de Labañou (Grupo de vivendas do Carme, ó lado do Centro de Saúde, no barrio de Labañou), co seguinte orde do día:
- Informe de actividades do 2002
- Informe económico
- Proxecto para o 2003
Este acto, que realizamos todos os anos, considerámolo fundamental para poder contarvos ós socios/as e amigos/as o que facemos cada ano, o que queremos facer no futuro e coñecer a vosa opinión. Logo compartimos un viño con todos vosoutros/as.
Intentamos que sexa un acto breve, dunha hora aproximadamente, e moi documentado con fotos e imaxes, para reflectir mellor o que se fai en Vilcabamba.
Tamén nos parece moi importante render contas publicamente acerca da utilización do diñeiro que se gasta cada ano.
Aproveito a ocasión para mandarche o tríptico que sacamos para dar a coñecer Labañou Solidaria e o Proxecto de cooperación con Vilcabamba, e para recordarche que dispoñemos dunha páxina Web na que poderás informarte das actividades de Labañou Solidaria (www.labanousolidaria.org).
Sen outro particular, desexando poder contar contigo o día trece de xuño e reiterando unha vez máis o agradecemento pola túa colaboración, recibe un saúdo solidario.
Luis Astray (Presidente de Labañou Solidaria)
|
